АСТАНА, 8 ақпан. Тбилиси қалалық соты 2018 жылдың көктемінде Тбилисидің танымал түнгі клубтарындағы рейдтердің басталмай тұрып ұсталған сегіз адамның алтыншын есірткінің заңсыз айналымына кінәлі деп таныды, деп Грузияның Бас прокуратурасының сайтына сілтеме жасай отырып Sputnik Georgia хабарлайды.

Барлық айыпталушылар 11 мамырда, жұма күні, Cafe Gallery, Bassiani түнгі клубтарының маңайында және Костава көшесінде ұсталды. Осыдан кейін Cafe Gallery мен Bassiani клубтарында «қыдырушылардың» наразылық толқынын туғызған рейдтер болды. Алдағы екі күн ішінде Ішкі істер министрлігі күштерінің әрекеттеріне наразылық білдіріп, Руставели даңғылындағы Парламент алдына жастар митингке шықты. Полиция оларға қарсы күш қолданды деп айыптады және елдегі есірткі саясатын жұмсартуды талап етті.

«Сот барысында қарастырылған дәлелдемелер бойынша М. М. Ірі көлемде MDMA есірткі заты бар 5 таблетка сатып алды, кейін 2018 жылы 14 сәуірде Cafe Gallery клубында 420 лариге (159 доллар) сатты», — делінген прокуратура мәлімдемесінде.

Айыпталушыға «есірткі затын ірі көлемде заңсыз алу, сақтау және сату» бойынша қылмыстық іс қозғалды, бұл бап бойынша 7 жылдан 14 жылға дейінгі мерзімге бас бостандығынан айыру қарастырылған.

Сот оны 8 жылға бас бостандығынан айырды.

18, 25, 28 қаңтарда және 5-ақпан күндері Тбилиси соты тағы да клубтар мен олардың маңында есірткі заттарын сатуға қатысы бар бес адамға үкім шығарды. Сот айыпталушыларды есірткінің заңсыз айналымына кінәлі деп тауып, 7, 8 және 9,5 жылға бас бостандығынан айырды.

Ал қалған екі ұсталғандардың ісі аяқтау кезіңіңде.