НУР-СУЛТАН, 26 наурыз. Өзбекстанның арнайы қызметі Ташкенттің халықаралық әуежайының «жасыл» дәлізі арқылы тәтті кәмпит түріндегі апиын әкелімін тоқтатты, деп Өзбек телеграф агенттігі хабарлады.

«Мемлекеттік кеден комитетінің контрабандаға қарсы және кедендік қылмыс Басқармасының қызметкерлері Мемлекеттік қауіпсіздік қызметінің өкілдерімен бірге Ташкент халықаралық әуежайы арқылы Өзбекстанға есірткі заттарының әкеліміне жол бермеді», — деп хабарлады комитеттің баспасөз қызметі.

Атап өтілгендей, «жасыл» дәліз арқылы кеденнен өту кезінде шетелден Ташкентке ұшып келген З.К. азамат тоқтатылып, куәгерлердің қатысуымен тексерілді.

«Тексеру нәтижесінде оның жеке заттары арасынан түссіз пакеттерге салынған, қара қоңыр түсті, өткір иісі бар, 34 дана күдікті зат бар шоколад кәмпиттерінің қорабы табылды»,-делінген хабарламада.

Сараптама нәтижесі бойынша, айғақ ретінде алынған заттар, 201 граммнан аз мөлшерде күшті әсер ететін «апиын» есірткісі болып шықты.

«Қазіргі уақытта тәртіп бұзушыға қатысты қылмыстық кодекстің тиісті баптары бойынша қылмыстық іс қозғалып, тергеу әрекеттері жүргізілуде», — делінген хабарламада.