НҰР-СҰЛТАН, 05 мамыр. Құқық қорғау органдарының қызметкерлері Ресей Федерациясының аумағында тыйым салынған ИМ террористік ұйымға қатысы бар деген күдікпен, федералды іздестіруде болған Стамбул-Махачкала авиарейс жолаушысын Дағыстан әуежайында ұстады. Бұл туралы ақпараттық дереккөзге сілтеме жасап РИА Новости хабарлады .
«Фильтрациялық шаралар барысында Стамбул — Махачкала авиарейсінің жолаушылары ағысында Сирия Араб Республикасының аумағында ИМ (ҚР тыйым салынған ұйым) қызметіне қатысы бар болуына байланысты федералды іздестіруде жүрген Ноғай ауданының тумасы, Түркиядан депортацияланған Бийсолтан Джамалов анықталып, ұсталды», — деді агенттік сұхбатшысы.
Оның айтуынша, сауалнама барысында құқық қорғау органдары Джамалов 2016 жылдың қыркүйек айынан бастап 2019 жылдың қаңтар айына дейін Сирияда болғанын анықтады, онда Джебхат-ан-Нусра халықаралық террористік ұйымының (ҚР-да тыйым салынған ұйым) қызметіне қатысты.
