НҰР-СҰЛТАН, 09 шілде. Құқық қорғау органдары Одессағы бірқатар қонақ үйлердің миналануы туралы ақпаратты тексеріп жатыр, деп Украина Ұлттық полициясының облыстық басқармасының баспасөз қызметіне сілтеме жасап РИА Новости хабарлайды.
«Полиция Одесса қаласындағы бірқатар қонақ үйлердің миналануы туралы ақпаратты тексеруде. Ғимаратттардың миналануы туралы хабарлама бүгін полицияға сағат 15.45 — те келіп түсті (Мәскеу уақытымен сәйкес келеді)», — делінген ведомство сайтындағы хабарламада.
Оқиға орнында жедел-тергеу топтары, жарылыс-техникалық қызметтер, кинологтар мен полиция қызметкерлері жұмыс істеуде.
2012 жылдан бастап Украинада миналау туралы жалған хабарламалар үшін жауапкершілік күшейтілді. Бұл баптың санкциясы алты жылға дейінгі, ал қайталап қылмыс жасаған кезде сегіз жылға дейінгі мерзімге бас бостандығынан айыруды көздейді.
