НҰР-СҰЛТАН, 15 шілде. Лаңкестер сириялық Алеппо қаласының батыс орамдарына оқ жаудырды, кем дегенде алты бейбіт тұрғын қаза тапты. Бұл туралы SANA агенттігіне сілтеме жасап REGNUM хабарлайды.
«Джебхат ан-Нусра» тобының (ҚР-да қызметіне тыйым салынған ұйым) содырлары Халяб әл-Джадид және Миньян аудандарына ракеталық оқ атты. Тағы сегіз адам жарақат алды.
Хабарламада айтылғандай, содырлар дүркіндете атудың реактивті жүйелерін қолдана отырып екінші тәулік оқ атып жатыр. Алдында мэрия ғимаратының жанында миномет снаряды жарылды,нәтижесінде бала жарақат алды.
