НҰР-СҰЛТАН, 03 наурыз.  Нигерияның солтүстігіндегі Кадуна штатында қарулы шабуылдарда 16 адам қаза тауып, көптеген адамдар жараланды. Бұл туралы Кадуна штатының  ішкі қауіпсіздік және ішкі істер жөніндегі мемлекеттік комиссары Самуэль Аруванға сілтеме жасап Anadolu агенттігі хабарлады .

Белгісіз қарулы адамдар Зангон Катаф және Курмин Ганду ауылдарына шабуыл жасады. Шабуылдар салдарынан 10 үй мен екі мотоцикл өртенді, дейді Аруван. Жергілікті тұрғындар дүрбелеңмен үйлерін тастап кетті.

Аруванның айтуынша, жараланғандар ауруханаға жатқызылды. Оқиға бойынша тергеу жүргізіліп жатыр.

Күні бұрын штаттың әртүрлі аймақтарында ұйымдастырылған қарулы шабуылдар салдарынан 7 адам қаза тапты.

Бұған дейін Нигерия билігі аймақтарда мотоциклдерді пайдалануға тыйым салған, өйткені қарулы адамдар көбіне бұл көлікпен шабуыл жасайды.