НҰР-СҰЛТАН, 28 қыркүйек.Қырғызстан милициясы елдің оңтүстігінде «Бейбітшілік корпусының» екі американдықты тұтқындады, олардан бір келіден астам марихуана табылды, деп Жалал-Абад облысы ішкі істер басқармасының баспасөз қызметіне сілтеме жасап РИА Новости хабарлайды.  

Баспасөз қызметінің мәліметтері бойынша, милиция Бішкек-Ош тас жолында Honda Odyssey автокөлігін тоқтатты. Жолаушылардың әрекеттері  құқық қорғаушылардың күдігін туғызды.

«Ер азаматтардың бірінен марихуанаға ұқсайтын жасыл зат салынған пакет табылды. Сараптама барысында болжам расталды: пакетте бір келіден астам марихуана болды»,-деді баспасөз қызметінде.

ІІБ — ның хабарлауынша, автокөлік жолаушылары АҚШ-тың екі азаматы — «Бейбітшілік корпусының» еріктілері болған. Олардың бірі есірткі оған тиесілі екенін мойындады.

«Қазіргі уақытта қылмысын мойындаған американдық тергеу изоляторына қамалды. Екіншісі жіберілді»,-деп қосты ІІБ баспасөз қызметі.