НҰР-СҰЛТАН, 10 қараша. «Ислам мемлекеті» (ҚР қызметіне тыйым салынған ұйым)  террористік тобы тәжік-өзбек шекарасындағы заставаға шабуыл жасағаны үшін жауапкершілікті  өз мойнына алды, деп хабарлайды РИА Новости АҚШ-тың SITE Intelligence Group сілтеме жасап.

Тәжік-өзбек шекарасындағы Рудаки аймағында орналасқан «Султонобод» шекара отрядының заставасына шабуыл 6 қараша күні болған, шабуылдаушылар ИМ (ҚР қызметіне тыйым салынған ұйым)  содырлары  болып шықты.

Тәжікстанның Ұлттық қауіпсіздік мемлекеттік комитеті содырлар 3 қараша күні Тәжікстанның Кубодиен аймағына Ауғанстанның солтүстік-шығысынан кіргенін хабарлады.

«Қауіпсіздік күштерінің операциясы нәтижесінде 15 содыр өлтіріліп, бесеуі ұсталды, тәжік тарапынан  екі әскерилер қаза тапты», — деп  ҰҚМК хабарлаған.

Жергілікті ішкі істер министрлігінің хабарлауынша, содырлардың арасында солтүстік Тәжікстанның тұрғындары болған, сонымен бірге әйелдер де бар.

Ауғанстан Қорғаныс министрлігі шабуылдаушылардың елдің солтүстік-шығысынан енгені туралы ақпаратты жоққа шығарды.