НҰР-СҰЛТАН, 05 қаңтар. Франция билігі өткен жұма күні Вильжюиф қаласында болған оқиғаны лаңкестік әрекет деп таныды, деп хабарлайды 24.kz.

Бұған дейін полиция белгісіз ер адамның жаяу жүргіншілерге пышақпен шабуыл жасауын терактіге жатқызбаған. Себебі ол жүйке ауруынан емделіп жүрген. Бірақ тергеу барысында қаскөйдің мұндай әрекетке бармас бұрын радикалды бағытқа бет бұрғанын анықтады.

Еске сала кетейік, жұма күні Парижге жақын жатқан шағын қалада бір ер адам жаяу жүргіншілерге пышақ жұмсап, 1 адамды мерт қылды. Тағы 2 тұрғын жарақат алды.