НҰР-СҰЛТАН, 03 ақпан. АҚШ-тың Мемлекеттік хатшысы Майк Помпео бітім шарт жасау үшін «Талибан» (ҚР қызметі тыйым салынған ұйым) содырларына қойылған талаптар туралы айтты. Бұл туралы 3 ақпан күні Associated Press  хабарлады, деп REGNUM жазады.

Бірінші кезекте, америкалық сыртқы саяси ведомство басшысының көзқарасы бойынша террористер Ауғанстандағы зорлық-зомбылық деңгейін айтарлықтай төмендетуі тиіс.

«Біз бейбіт жоспармен жұмыс істейміз. Бір күні шартты жасауға жақын болдық, бірақ тәлібтер (ҚР  қызметіне тыйым салынған ұйым) зорлық-зомбылық деңгейін төмендетуге дайын екендіктерін көрсете алмады», — деді Помпео агенттік тілшілеріне берген сұхбатында.

Еске салайық, «Талибан» қозғалысы (ҚР тыйым салынған ұйым) ауған пуштундарының арасында пайда болды. Содырлар шариғат негізінде мемлекет құру үшін күресуде.