НҰР-СҰЛТАН, 16 маусым. Тәжікстандағы Ресейдің 201-ші әскери базасының мотоатқыштар бөлімшелерінің әскери қызметкерлері Ляур полигонында тактикалық жаттығулар өткізді, деп Орталық әскери округінің баспасөз қызметіне сілтеме жасап Sputnik Таджикистан жазады.
Артиллериялық батареяның мина атқыштар тобы оқ ату шебіне келіп, 120 мм «Сани» мина атқыштарын қолдана отырып, шатқалдарда және қол жетпейтін биіктікте жасырынған шартты түрдегі жаудың маневрлі бронды техникасын жойып жіберді.
Мина соққысын басқарылатын танкке қарсы зымырандар операторлары жүзеге асырды, ал барлау бөлімшелерінің топтары мергендер жұптарымен бірге шегініп бара жатқан «содырлардың» шағын топтарын жойды.
Екі күндік оқу-жаттығуларға 500-ден астам әскери барлау, артиллерия және мотоатқыштар бөлімшелері қатысты. Соңғы бөлімше мамандары шартты жау күштерін оқшаулау және тоқтату міндеттерін орындады.
