НҰР-СҰЛТАН, 21 шілде. Нигерияның солтүстігінде «Сахел санити» деп аталатын қаруланған заңсыз құралымдарға қарсы операция кезінде кемінде 15 әскері қаза тапты. Бұл туралы нигериялық Punch газетіне сілтеме жасап ТАСС хабарлайды.

«Бандиттер 18-ші шілде күні Кацина штатының Фаскари аймағында 72-ші парашют батальонының бөлімшесіне торуылдан шабуылдады. Үш офицер мен 12 сарбаз қаза тапты», — деп Punch газеті Нигерия қарулы күштері баспасөз қызметі директорының міндетін атқарушы  бригада генералы Бенард Оньеуге сілтеме жасап жазды.

Оның айтуынша, шайқас кезінде 17 бандит өлтірілген.

Өз кезегінде нигериялық Daily Post газеті батальонның бір бөлігі Дангот атымен белгілі қылмысты әлемнің ірі беделдіні ұстауға әрекеттенген кезде шабуыл торуылға түсті деп хабарлайды. Әскери бөлімше бандиттер тұрған лагерьге жақындап келген.

«Сахел санити» операциясы 14 шілдеде Нигерияның солтүстігіндегі Кацина , Замфара және Сокото штаттарында басталды. Операция мақсаты — бандиттерді, олардың жасырын жерлерін жою, қылмыстық құрылымдардың серіктестері мен хабарлаушыларын анықтау.

Соңғы айларда Нигерияның солтүстігінде бейбіт тұрғындарға жасалған шабуылдар саны едәуір артты. Шабуылдардың ең көп саны Замфара, Кадуна, Сокото және Кацина штаттарында тіркелді.Бандиттер құн алу үшін адамдарды кепілге алып, мал ұрлап, түрлі төлемдер алу үшін тұрғындарды қорқытады. Әскер бөлімшелері осы топтарға қарсы күресуде.