НҰР-СҰЛТАН, 24 шілде. Қаруланған заңсыз құралымды қаржыландыруға ақша жинауға жәрдемдескен Дағыстанның екі тұрғынына қатысты қылмыстық істерді тергеу аяқталды. Көп ұзамай қылмыскерлер сот алдына келеді, деп РФ ТК Дағыстан республикасы бойынша тергеу басқармасының баспасөз қызметіне сілтеме жасап REGNUM АА хабарлайды.

Тергеу мәліметтері бойынша, 2018 жылы Дағыстанның 24 және 33 жастағы тұрғындары интернетте заңсыз қарулы құрылымдардың  мүшесімен танысты. Ол Сирияға 2015 жылы соғыс қимылдарына қатысу үшін кеткен және қазір халықаралық іздеуде.

Айыпталушылар жаңа таныстарының радикалды көзқарастарына қосылған, сондықтан оған заңсыз қарулы құрылымдардың қызметін қаржыландыру үшін ақша жинауға көмектесуге келісті. Олар өздерінің банктік карталарын пайдалануға  беріп,  олардың көмегімен 270 мың рубль көлемінде екі аударым жасалды. Сонымен бірге әйелдер бұл қаражат Сирияда әрекет ететін қаруланған заңсыз құралымдардың мұқтаждықтарына кететінін білді.

Қылмыс жасаған екі әйел терроризмді қаржыландыруды ұйымдастырудағы жәрдем беру туралы бап бойынша сотталады . Содырларға ақша жинауды ұйымдастырушы халықаралық іздеуде, тергеу басқа сыбайластарды анықтау жұмыстарын жалғастыруда.