НҰР-СҰЛТАН, 07 желтоқсан. Ауғанстан қауіпсіздік күштері қақтығыс кезінде «Талибанның» басты әскери қолбасшыларының бірі, елдің солтүстік-шығысындағы Бағлан провинциясының Хинджан аймағының көлеңкелі басшысы болған Молла Әмірді және оның үш қарулы серіктесін өлтірді деп хабарлады жергілікті полиция. Бұл туралы Синьхуа агенттігі жазады .

Провинциялық полицияның ресми өкілі Джавед Башараттың айтуынша, «Талибан» содырлары (ҚР — да тыйым салынған ұйым) тәлібтер қолбасшысы және Хинджан ауданының көлеңкелі басшысы Молла Әмірдің басшылығымен бүгін түстен кейін Хинджан ауданының Коро елді мекенінде бақылау-өткізу пунктіне шабуыл жасаған. Молла Әмір мен оның үш қарулы серігі өлтірілді, деп қосты ол.

Молла Әмірді «атышулы қолбасшы»  деп атаған Дж. Башарат сонымен қатар оның өлімі әкімшілік орталығы Кабулдан солтүстікке қарай 160 км жерде орналасқан Пули-Хумри қаласы болатын Бағлан провинциясындағы тәлібтер үшін ауыр соққы болуы мүмкін екенін хабарлады.

«Талибан» қозғалысының содырлары бұл оқиға туралы әлі түсінік берген жоқ.