НҰР-СҰЛТАН, 09 желтоқсан. Мәскеудің солтүстік-шығысындағы пәтерден полиция қызметкерлері оқ-дәрі арсеналын тапты, оның ішінде минометтің төрт минасы мен жаяу әскерге қарсы қойылатын граната бар. Бұл туралы құқық қорғау органдарындағы дереккөзге сілтеме жасап ТАСС жазады .

 «Тексеру кезінде Холмогорская көшесі, 6 үй, 1 ғимарат, 53 пәтерде оқ-дәрілерді заңсыз сақтау фактісі анықталды. Осы мекен-жай бойынша тұратын ер адамнан минометтің төрт минасы, жаяу әскерге қарсы қойылатын Ф1 гранатасы, граната тұтандырғышы, бес жарғыш, граната корпусы, 60 грамм оқ-дәрі, автоматтандырылған Калашников автоматының 91 патроны және револьвер тәркіленді», — деді ақпарат көзі.

Сонымен қатар, ақпарат көзінің хабарлауынша, пәтерден 20 грамм марихуана мен нацистік әдебиет табылған.

«Осы факт бойынша тексеру басталды. Тексеру нәтижелері бойынша процессуалдық шешім қабылданады», — деп қосты ол.