НҰР-СҰЛТАН, 08 ақпан.  Америка Құрама Штаттарында әрекет ететін экстремистік топтар ел үшін ең үлкен қатерлердің бірі болып табылады, американдық билік олар туралы ақпаратты белсенді жинап, белсенді әрекет етуі керек. Бұл туралы сенбі күні эфирге шыққан АҚШ ұлттық қауіпсіздік министрі Алехандро Майоркастың CNN журналистеріне берген сұхбатындағы мәлімдемесіне сілтеме жасап ТАСС хабарлайды .

АҚШ-тың Ішкі қауіпсіздік министрлігінің басшысы «жеккөрушіліктің таралуына және елге қауіп төндіретін қатерлердің бірі — ішкі терроризмге қарсы күресті күшейтуге ниетті екенін» баса айтты . Майоркастың айтуынша, оның мекемесі экстремистік топтар дайындап жатқан ықтимал шабуылдар туралы мәліметтерді белсенді түрде жинауға ниетті. Ол атап өткендей, Ішкі қауіпсіздік министрлігі үшін  «жұмысты алға кетіп істеу» және экстремистердің ықтимал әрекеттеріне дайындау кезеңінде жол бермеу маңызды.

«Бұл қауіп тұрақты болып келеді, оны 6 қаңтардағы оқиғалар дәлелдейді», — деді Майоркас.

Бұл күні сол кезде Американың басшысы болған республикашыл Дональд Трамптың жақтастары Конгреске 2020 жылғы3 қарашада өткен президенттік сайлаудың нәтижелерін жариялауға кедергі жасау үшін баса кірген. Трамп Ақ үйдің жанындағы митингке жиналған көпшілікке сөз сөйлегеннен кейін, халық Капитолияға қарай бет алды.