НҰР-СҰЛТАН, 08 ақпан.Ливанның Ұлттық қауіпсіздік қызметі сенбі күні Арсаль қаласында «Ислам мемлекеті» (ИМ) экстремистік тобына мүшелігі үшін Сирияның тағы екі азаматын қамауға алды. Бұл туралы Elnashra жаңалықтар сайтына сілтеме жасап Синьхуа агенттігі хабарлады.
Бұл адамдар осы елдегі ИМ (Қазақстанда тыйым салынған ұйым) мүшелерін іздеу жөніндегі ауқымды операцияның аясында Арсаль қаласында өткізілген рейд кезінде ұсталды.
Өткен аптада Ұлттық қауіпсіздік қызметі Арсальда ИМ-нің 18 мүшесін қамауға алынғанын жариялады , олардың арасында 13 сириялық және бес ливандық бар.
