НҰР-СҰЛТАН, 06 сәуір. Саратов облысы бойынша ФҚҚ Басқармасы облыс орталығының 34 жастағы тұрғынының заңсыз әрекеттерін анықтап, жолын кесті. Ер адам интернетте террористік әрекетке шақырды деп күдіктелуде, деп «Саратов24» желілік басылымы хабарлайды.

Мекеменің баспасөз қызметінің хабарлауынша, жедел іс-шаралар жиынтығы нәтижесінде көрсетілген адамның «ВКонтакте» әлеуметтік желісінде аккаунты болғандығы анықталды. Ер адам жаңалықтар лентасында мәтіндік хабарламалар түріндегі мақалаларға түсініктемелер жариялады. Олар терроризм идеологиясы мен практикасын дұрыс деп тану туралы, қолдау мен еліктеуді қажет ететін жария мәлімдемелерді қамтыды.

Сонымен қатар, бұл ер адам топтық чатта мемлекеттік және муниципалдық билік өкілдері мен объектілерін қарсы зорлық-зомбылық әрекеттер жасауға шақырған.

«Келіп түскен материалдар негізінде ФҚҚБ тергеу бөлімі аталған азаматқа қатысты Қылмыстық кодекстің 205.2-бабы екінші бөлігімен (Терроризмдге жария түрде шақыру, терроризмді ақтау немесе терроризмді насихаттау) және Қылмыстық кодекстің 280-бабының екінші бөлігі (Экстремистік қызметті жүзеге асыруға жария түрде шақыру)  бойынша қылмыстық іс қозғап, тергеу жүргізді», — деді Саратов облысындағы ФҚҚ-дегі дереккөз.

Қазіргі уақытта қылмыстық іс материалдары Самара қаласының Орталық аудандық әскери сотында қаралуда.