НҰР-СҰЛТАН, 28 сәуір. Ресей қорғаныс министрі Сергей Шойгу Ауғанстандағы жағдайға баға берді, деп хабарлайды Sputnik Тәжікстан.
Ол Ауғанстандағы ахуалдың нашарлап баратынын айтты .
Сонымен бірге Шойгу, бұл Ресей мен Тәжікстанның ықтимал қауіп-қатерлерге тойтарыс беруді бірлесіп жоспарлауына себеп болады деп қосты.
Министр Ресей мен Тәжікстанның Орталық Азия аймағында қауіпсіздікті қамтамасыз ету және тұрақтылықты сақтау бойынша ортақ міндеттері бар екенін баса айтты.
Еске салайық, Шойгу ҰҚШҰ қорғаныс министрлері кеңесінің отырысына қатысу үшін Душанбе қаласына келді.
Шойгу Тәжікстан Президенті Эмомали Рахмонмен де кездесіп, аймақтық қауіпсіздік мәселелерін талқылады.
