НҰР-СҰЛТАН, 13 маусым.  Дондағы Ростов қаласының Оңтүстік округтік әскери соты «Ислам мемлекеті» * террористік тобына қосылған Владикавказ тұрғынын 15 жылға бас бостандығынан айыру және 30 мың рубль айыппұл төлеу туралы үкім шығарды, деп соттың баспасөз қызметіне сілтеме жасап ТАСС хабарлайды, деп ТҚК РҚБ ресми сайты жазады. 

Хабарланғандай, ер адам қалалық әкімшілік ғимараттарында жарылыс жасауды дайындаған.

«Соттың үкіміне сәйкес, Алексанянц кінәлі деп танылды, оған жазасының алғашқы үш жылын түрмеде өтеумен, қатаң режимдегі түзеу колониясында 15 жылға бас бостандығынан айыру жазасы белгіленді, сондай-ақ 30 000 рубль айыппұл салынды», — деді сот өкілі.

2020 жылдың жазында сотталушы террористік топ жетекшісіне ант берді, сол уақытта ол Сирияға кетуін ұйымдастыратын адам туралы ақпарат алды. Сонымен қатар, Владикавказ тұрғыны үкімет ғимараттарында жарылыс жасауға келісім берген. Алайда террористік шабуыл дайындау кезінде ол тәртіп сақшыларымен ұсталды.

«Алексанянц халықаралық террористік ұйым мүшесінің нұсқауын орындай отырып, қолдан жасалған жарылғыш зат пен ақша жасырылған жерге келіп, заттарды алып, содан кейін көлікке бара жатқан жолда тәртіп сақшыларымен ұсталды», — делінген  сот хабарламасында.