НҰР-СҰЛТАН, 05 тамыз. Буркина-Фасоның солтүстігінде елдегі террористік топтардың бірінің содырлары 10-нан астам адамды өлтірді. Бұл туралы Agence France-Presse (AFP) сайтына сілтеме жасап ТАСС хабарлайды.

«4 тамыз күні кешке қарулы топ елдің солтүстігіндегі бірнеше ауылға шабуыл жасады, 10 -нан астам бейбіт тұрғын қаза тапты», — деп хабарлайды AFP агенттігі.

Буркина -Фасо соңғы үш жылда Батыс Африкадағы исламистік топтардың лаңкестік әрекеттерінің ошағы болды. Елде «Ислам мемлекетінің» (ИМ, Қазақстан Республикасында тыйым салынған) құрылымы болып табылатын «Үлкен Сахарадағы Ислам мемлекеті» және «Ансар ул-Ислам» топтары әрекет етеді. Осы уақыт ішінде 1000 -нан астам бейбіт тұрғын лаңкестер құрбаны болды, зорлық -зомбылық салдарынан 1,5 миллионнан астам адам үйлерін тастап босқын болды.