НҰР-СҰЛТАН, 10  тамыз. Елорда полицейлері қалаға есіртікі заттарын жеткізетін арнаны әшкереледі, деп хабарлайды ҚазАқпарат.

 «Биыл 7 тамыз күні есірткіні жеткізу мен сату арнасына тосқауыл қоюға бағытталған жедел іздестіру іс-шарасы кезінде 37 жастағы ер адам ұсталды. Оны тексеру барысында 2 келі гашиш тәркіленді», — делінген Полиция департаменті мәліметінде.

Оны ұстау кезінде күдікті ізін суытпақ болған. Сонымен қатар, Қосшыда тұратын үйін тексеру кезінде арнайы жабдықталған жасырын қоймада екі полиэтилен пакетте 34 келіден астам гашиш анықталды.

Белгілі болғандай, күдікті аталған есірткіні елорда аумағында өткізуді жоспарлаған.

Арнайы операция нәтижесінде заңсыз айналымнан 36,3 келі гашиш тәркіленді. Бұл факті бойынша қылмыстық іс қозғалып, күдікті қамауға алынды.