НҰР-СҰЛТАН, 15 тамыз. БҰҰ Қауіпсіздік Кеңесінің Ауғанстан бойынша отырысы 16 тамызда таңертең өтеді. Бұл туралы ТАСС әлемдік ұйымдағы дереккөзге сілтеме жасап хабарлайды .
«Ертең таңертең [16 тамызда] БҰҰ Қауіпсіздік Кеңесінің Ауғанстан бойынша отырысы өтеді», — деді дереккөз.
БҰҰ Қауіпсіздік Кеңесінің таңғы отырысы әдетте 10: 00 -де (Мәскеу уақытымен 17:00) өтеді. Ауғанстандағы жағдай туралы БҰҰ Бас хатшысы Антониу Гутерриш баяндама жасайды.
Al Arabiya арнасының хабарлауынша, «Талибан» радикалды қозғалысының содырлары жексенбі күні кешке Кабулға ұрыссыз кірді және үкімет күштері тастап кеткен мемлекеттік кеңселерді басып алды. Ауғанстан президенті Ашраф Ғани елден кетті. Талибан қозғалысы «бірнеше сағат ішінде астананы басқаруды толық өз қолына алатынын» мәлімдеді.
