НҰР-СҰЛТАН, 16 тамыз. Францияның Конституциялық кеңесі «сепаратизмге қарсы заң» деп аталатын «Республикалық принциптерді күшейту туралы» резонансты заң жобасын мақұлдады, деп жазады Анадолу  агенттігі.

Көптеген бақылаушылардың пікірінше, құжат елдегі мұсылман қауымдастығының құқықтарына нұқсан келтіреді.

Заң жобасы Конституциялық Кеңестің қарауына парламенттің төменгі палатасының 60 (577-ден) депутатымен және 60 (348 -ден) сенатормен ұсынылды, делінген кеңес хабарламасында.

Заң, екі бабын қоспағанда,  қабылданды.

Кеңес қауымдастықтардың қызметін тоқтату туралы заңның 16 бабын қабылдамады. Билік бұл процесс алты айға созылуы мүмкін екенін түсіндірді, бұл қауымдастық бостандығын бұзу болып табылады.

Шетел азаматтарына тұруға рұқсат беру немесе оның күшін жою туралы 26 -бап та қабылданбады. Конституциялық Кеңес мүшелері мұны республикалық принциптерге қайшы деп есептеді.

Қоғамның сынына қарамастан, Франция парламенті өткен айда,  үкіметтің бекітуімен зайырлы жүйені нығайтуға бағытталған заң қабылдады. Заң жобасының қарсыластарының пікірінше, ол дін бостандығын шектеп, мұсылмандарды маргиналдандырады.

Заң билікке мешіттер мен олардың әкімшілігіне жауапты бірлестіктердің қызметіне араласуға, сондай-ақ мұсылмандарға тиесілі бірлестіктер мен ҮЕҰ қаржысын бақылауға мүмкіндік береді.

Ол сонымен қатар балаларының білім алу мәселесінде ата-аналардың таңдауын шектейді. Осылайша, Францияда үйде оқытуға енді «медициналық себептермен» ғана рұқсат етіледі.