НҰР-СҰЛТАН, 30 сәуір. Бүгін Ауғанстан астанасы Кабулдағы мешіттердің бірінде жарылыс салдарынан көптеген адамдар қаза тапты немесе жараланды, деп оқиға куәгерлеріне сілтеме жасап Синьхуа агенттігі жазады, деп «Терроризмге қарсы комитет» РҚБ ресми сайты хабарлайды.

 «Түскі уақытта болған жойқын жарылыстан көп адам зардап шекті», — деді Синьхуа агенттігіне Мохаммад Кабир.

«Шабуыл Кабулдың батысындағы Карта-и-Сах елді мекеннің Сера-и-Аллаводдин ауданындағы Халифа Сахиб мешітінің діндар адамдары болғанына ұқсайды. Жарылыстың сипаты әлі анықталған жоқ. Бұл жанкешті болуы мүмкін», — деп қосты ол.

Сақтық шарасы аясында «Талибан»* қауіпсіздік күштері аймақты қоршауға алды.

Шабуыл жұма намазынан кейін көп ұзамай, бір топ мүміндер қасиетті Рамазан айына арналған арнайы діни рәсімді зікір ету кезінде жасалған.

Әзірге ешбір топ жарылыс үшін жауапкершілікті мойнына алған жоқ. Соңғы апталарда «Талибан» басқаратын уақытша үкіметке қарсы «Ислам мемлекеті» (ИМ)* содырлары ұйымдастырды деген бірнеше шабуылдар болды.

Бір күн бұрын Ауғанстанның Мазари-Шариф қаласында екі жарылыс болып, тоғыз адам қаза тауып, 13 адам жараланған болатын.

* Қазақстан Республикасында тыйым салынған ұйым