ОРАЛ, 01  қазан. Жаһандық ақпараттандыру артықшылықтармен қатар интернет кеңістігінде терроризм идеяларының таралуымен байланысты қауіпсіздікке елеулі қатер туғызады, деп  ҚР АТО баспасөз қызметіне сілтеме жасап  «Терроризмге қарсы комитет» РҚБ ресми сайты жазады.

Атап айтқанда, қазақстандық интернет қолданушылары деструктивті сипаттағы материалдардың ықпалымен терроризм идеяларын насихаттауда.

Мәселен, Орал қаласының «К» тұрғыны  «Instagram» әлеуметтік желісі арқылы елімізде дәрісіне  тыйым салынған шетелдік уағызшылардың материалдарын таратқан.

Нәтижесінде ағымдағы жылдың қыркүйек айында Орал қалалық No2 сотының үкімімен «К» ҚР ҚК 174-бабында (әлеуметтік, ұлттық, рулық, нәсілдік, таптық немесе діни араздықты қоздыру) және 256-бабында (терроризмді насихаттау немесе терроризм актісін жасауға жария түрде шақыру) көзделген қылмыс жасағаны үшін 6 жылға бас бостандығынан айырылды.