АҚТАУ, 01 қазан.Ағымдағы жылдың қыркүйек айындаМаңғыстау облыстық терроризмге қарсы күрес жөніндегі  жедел штабы Теңіз күштерінің жедел штабымен бірлесіп, облыс аумағында «Ақтау-Антитеррор-2022» жедел-тактикалық оқу-жаттығуын өткізді, деп хабарлайды ҚР ТҚО баспасөз қызметі.

Іс-шара барысында лаңкестікке осал нысандардағы лаңкестік әрекеттердің түрлі сценарийлеріне ден қою және хабарлау жүйелерін жетілдіру мәселелері пысықталды.

Жұмылдырылған мемлекеттік органдардың терроризмнің алдын алу, жолын кесу және салдарын жою жөніндегі өзара іс-қимыл деңгейін арттыруға баса назар аударылды.

Оқу-жаттығу барысында шартты түрде енгізілген «террорлық қауіптіліктің қызыл деңгейі» аясында арнайы жасақтар шартты кепілге алынғандарды босату, «шартты террористерді» залалсыздандыру және жою бойынша операцияларды жүргізді.