АСТАНА, 07 қазан. Сирияның солтүстігінде бөлшектеуші террор ұйымы PKK/YPG-ден 18 террорист залалсыздандырылды, деп Ұлттық Қорғаныс министрлігіне сілтеме жасап TRT  хабарлады.

Ұлттық Қорғаныс министрлігінің әлеуметтік желідегі аккаунтында жасалған мәлімдемеде «Евфрат қалқаны» аймағында анықталған 18 PKK/YPG террористі Түрік Қарулы Күштері тарапынан залалсыздандырылды. Операцияларымыз бәсеңдемей жалғасады!» деп айтылды.

Түрік Қарулы күштері 2016 жылдың 24 тамызы – 2017 жылдың 29 наурызы аралығында жүргізген «Евфрат қалқаны» операциясы нәтижесінде Сирияның солтүстігін (Азез, әл-Баб) террордан тазалаған болатын.