АСТАНА, 19 желтоқсан. 19 желтоқсанда Ішкі істер министрлігінің өкілі Шұғыла Тұрлыбек Ішкі істер министрлігі тағы 27 есірткі мен прекурсорларды мемлекеттік бақылауға енгізу туралы үкімет қаулысының жобасын әзірлегенін айтты, деп Zakon.kz сілтеме жасап «Терроризмге қарсы комитет» РҚБ ресми сайты хабарлайды.
Шұғыла Тұрлыбек есірткінің тізбесіне тағы 14 есірткі және 13 прекурсор атауы – оларды өндіруге қолданылатын заттар енгізілетінін айтты.
«Нашақорлықпен күресу үшін психотроптық заттардың тізбесі нашақорлар эйфория әсерін алу үшін қолданатын және жалпы нашақорлықтың қалыптасуына ықпал ететін психотропты анальгетик трамадолмен толықтырылды. 0,1 граммға дейін — шағын өлшем, 10 граммға дейін — үлкен өлшем, 10 граммнан — өте үлкен өлшем» — Ішкі істер министрлігінің өкілі Шұғыла Тұрлыбек
Оның айтуынша, үкімет қаулысының күшіне енуімен трамадол тек рецепт бойынша және есірткі құралдары мен психотроптық заттардың айналымына лицензиясы бар дәріханалар мен емдеу-алдын алу ұйымдарында ғана беріледі.
Үкімет қаулысының жобасы Ашық нормативтік құқықтық актілер порталында жарияланған.
