АСТАНА, 22 желтоқсан. Ирактың солтүстігіндегі Киркук провинциясында бомба жарылып, үш ирак әскері қаза тапты, деп хабарлайды РИА Новости Shafaq ақпараттық агенттігіне сілтеме жасап.
Қауіпсіздік мекемелеріндегі дереккөзінің хабарлауынша, Хавижа ауданында Ирак армиясының патрулі жарылғыш затпен жарылған. Үш әскери қызметкер жарылыстың құрбаны болды, тағы екеуі жарақат алды.
ИМ содырлары 2014 жылдың жазында Ирак территориясының үштен бір бөлігін басып алған. 2015 жылы халықаралық коалицияның қолдауымен Ирак үкіметінің күштері экстремистер басып алған аймақтарды азат ету бойынша ауқымды науқанды бастады. 2017 жылдың желтоқсанында республиканың сол кездегі премьер-министрі Хейдар әл-Абади ДАИШ-тің түпкілікті жеңілгенін мәлімдеді. Дегенмен, құқық қорғау органдары елдің әр түкпірінде мүшелері тәртіп сақшыларына, әскерге және бейбіт тұрғындарға шабуыл жасап жатқан лаңкестің астыртын әрекетін жою операциясын жалғастыруда.
* Қазақстан Республикасында тыйым салынған террористік ұйым
