АСТАНА, 21 қазан. Түркияның Ұлттық барлау ұйымы (MİT) КЖП мүшелерін шетелде залалсыздандыру үшін тағы бір сәтті операция жүргізді, деп хабарлайды Anadolu агенттігі .

Анкарадағы қауіпсіздік құрылымдарындағы дереккөздерінің хабарлауынша, MİT қызметкерлері КЖП қастандық жасау  бөлімінің басшысы Бурхан Пичакты Түркияға әкелген.

Содыр Ирактың солтүстік-батысындағы Синджар аймағында қолға түсті. 

Арнайы қызметтердің мәліметінше,  «Джаншер-Лашер» шақыру атымен белгілі Пичак, КЖП ұйымының қатарына 2015 жылы  қосылған.

2019 жылы ол Сирияның солтүстігінде «Бейбітшілік бұлағы» операциясының алдын алу әрекеттеріне белсене қатысып, кейін Ирактың Мосул провинциясына көшті.