АСТАНА, 24 қазан. Сирияның Дейр-эз-Зор провинциясындағы Омар мұнай кен орнының маңындағы АҚШ әскери базасы жексенбіге қараған түні зымырандық шабуылдарға ұшырады, деп Al-Alam телеарнасы хабарлайды. Бұл туралы ТАСС агенттігіне сілтеме жасап «Терроризмге қарсы комитет» РҚБ ресми сайты жазады.
Куәгерлердің айтуынша, америкалық әскери нысанда кем дегенде бес жарылыс естілген, содан кейін өрт шыққан. Ықтимал шығындар туралы ақпарат берілмейді.
Атыс Иракпен шекаралас аймақтан жасалған. Бұған жауап ретінде Батыс коалициясының тікұшақтары Әл-Меядин мен Зейбан маңындағы шейіт отрядтарының позицияларына шабуыл жасады.
18 қазанда АҚШ Әскери-әуе күштерінің ұшқышсыз ұшағы Дейр-эз-Зордың шығысындағы шейіттердің базаларын зымыранмен атқылаған. Болжам бойынша, соққылар қару-жарақ пен оқ-дәрі бар қоймаларға жасалған. Шейіт жауынгерлері арасында қаза болғандар мен материалдық шығын туралы мәлімет жоқ.
