АСТАНА, 04 қараша. Федералды тергеу бюросының Ньюарк бөлімшесі Нью-Джерсидегі синагогаларға қауіп төнгені туралы сенімді ақпарат бар екендігі туралы хабарлады. Бұл туралы NEWSru.co.il сілтеме жасап «Терроризмге қарсы комитет» РҚБ ресми сайты хабарлайды.

«Өз қауымдастығыңызды және нысандарыңызды қорғау үшін барлық сақтық шараларын қабылдауыңызды сұраймыз. Қосымша ақпарат мүмкіндігінше тезірек жарияланады. Абай болыңыз. Төтенше жағдайда полицияға қоңырау шалыңыз», — деп жазды ФТБ Twitter-ге.

Штат губернаторы Фил Мерфи оның кеңсесі синагогалардың қауіпсіздігін сақтау үшін Бас прокуратурамен, ұлттық қауіпсіздікпен, ФТБ және полициямен байланыста екенін және құқық қорғау органдарымен жұмыс істейтінін айтты.

Штаттың қоғамдық қауіпсіздік қызметі оның волонтерлері жоғары дайындықта екенін айтты.