Астана. 13 ақпан. Бүгін, 2017 жылдың 13 ақпанында Астана қаласының аумағында терроризм актілерін болдырмауға және оның салдарын жоюға бағытталған жоспарлы антитеррористік оқулар өтеді. Бұл туралы Астана қаласының Әкімдігі хабарладйы.

Терроризммен күрес бойынша астаналық жедел штабтың хабарлауынша, бұл жоспарлы шара және шайқас жағдайына барынша жақындатылады. Жедел штабтың дайындығы мен күш-қауқары тексеріледі.

Сол себепті, Астана қаласының Әкімдігі, елорда тұрғындары мен қонақтарын сабыр сақтауға және дүрбелеңге салынбауға шақырады.

Дереккөз: Астана қаласының Әкімдігі