НҰР-СҰЛТАН, 23  қазан. Мәскеу облысында лаңкестік шабуылдың алды алынды, деп ФҚҚ баспасөз қызметіне сілтеме жасап РИА Новости  хабарлайды.

Қауіпсіздік күштері халықаралық террористердің нұсқауы бойынша «билік ғимараттарының біріне» шабуыл дайындап жатқан 1999 жылы туған Орталық Азияның тумасын ұстады. Толық ақпарат жария етілмеді.

Тергеу мәліметтері бойынша, кейін ол Таяу Шығысқа кетпек болған.

Ұсталған адамның құпия жерге жасырған қолдан жасалған бомбаның компоненттері табылды. Сонымен бірге содырлармен жазысқан хабарламалар, жарылғыш заттарды жасау жөніндегі нұсқаулықтар мен террористердің басшыларына берген антының видеосы табылды.

Жарылысты қашан және қай жерде ұйымдастырмақшы болғаны хабарланбайды.

Жазда ФҚҚ директоры Александр Бортников хабарлағандай, соңғы он жыл ішінде Ресейде 160-қа жуық террористік актінің алды алынды, 2019 жылы — 43, ал биыл — 20-дан астам.