НҰР-СҰЛТАН, 12 желтоқсан. Ішкі істер министрлігінің хабарлауынша , сенбі күні таңертең Кабулдың әр түрлі аймақтарына бірнеше зымыран шабуылдарының салдарынан кем дегенде бір адам қаза тауып, екеуі жараланды, деп хабарлайды TOLOnews .
Кабулдағы Лаб-э-Жар аймағынан қаланың әртүрлі бөліктеріне кем дегенде 10 зымыран атылды, соның ішінде әуежай маңындағы аудандар, PD9-дағы Хавашинаси ауданы, PD9-дағы Зан-Абад ауданы және PD15-тегі Хваджа Раваш аймағы, — деп мәлімдеді Ішкі істер министрлігінің баспасөз қызметі.
Министрліктің хабарлауынша, зымырандар Кабулдың солтүстігіндегі Лаб-э-Жар аймағынан, өткен айда шабуылдар болған жерден атылған.
Министрлік бірнеше зымыран құлаған Хваджа-Раваш, Хавашинаси және Зан-Абад тұрғын аудандар деп мәлімдеді.
Еске салайық, бұл бір айдың ішінде қалаға жасалған екінші зымырандық шабуыл. 21 қараша күні қаланың әртүрлі бөліктеріне кем дегенде 23 зымыран атылды, салдарынан сегіз бейбіт тұрғын қаза тапты.
Осы уақытқа дейін бірде-бір лаңкестік топ шабуылға жауапкершілікті мойнына алған жоқ .
