НҰР-СҰЛТАН, 11 сәуір. 2016 жылдың 15 шілдесінен бастап, яғни Түркиядағы төңкеріс әрекетінен кейін 462 террористік басшы бейтараптандырылды. Бұл туралы Түркияның ішкі істер министрі Сулейман Сойлу әлеуметтік желіде хабарлады, деп жазады Анадолу агенттігі.

Министр олардың 30-ның есімдері Түркия ІІМ-нің ерекше қауіпті қылмыскерлерінің «қызыл», 27-сі «көк», 28-і «жасыл», 63-і «қызғылт сары»  және 314 — «сұр» тізімінде болғанын атап өтті.

Сондай-ақ, 2017 жылдан бүгінгі күнге дейін 6 716 террорист залалсыздандырылды.

2017 жылдан бері 861 террорист қауіпсіздік күштеріне берілді, деді Сойлу.

«2017 жылы Түркияда 697, 2018 жылы 361, 2019 жылы 309, 2020 жылы 248 лаңкестік әрекеттің алды алынды. 2021 жылдың басынан бері 40 лаңкестіктің алды алынды », — деп жазды Түркия ішкі істер министрлігінің басшысы.