НҰР-СҰЛТАН, 24 қазан. Мәскеудің Савелов соты Ресей Федерациясында қызметі экстремистік деп танылған және тыйым салынған «Иегова куәгерлері» діни ұяшығының үш мүшесін тергеу изоляторына жіберді, деп соттың баспасөз қызметіне сілтеме жасап ТАСС хабарлайды.

Баспасөз қызметінің хабарлауынша, айыпталушылардың арасында Мәскеудегі «Иегова куәгерлері» ұяшығының ұйымдастырушы үй қамағына жіберілген.

«Мәскеу қаласының Савелов аудандық сотының қаулысымен тергеушінің Сергей Толоконников пен Роман Мареевке қатысты қамауға алу түріндегі бұлтартпау шарасын таңдау туралы өтініші қанағаттандырылды, олар Ресей Федерациясының Қылмыстық кодексінің 282.2 бабының 1.1 бөлігінде («Экстремистік ұйымның қызметіне қатысу») көзделген қылмысты жасады деп айыпталды. Сол  күнге дейін сот Ресей Федерациясының Қылмыстық кодексінің 282.2-бабының 1-бөлігінде («Экстремистік қоғамдастық қызметін ұйымдастыру») қарастырылған қылмыс жасады деп айыпталған Анатолий Маруновты үйқамаққа алды», — деп хабарлады соттың баспасөз хатшысы Мария Михайлова.

Оның айтуынша, сот шешімі күшіне енбеген және заңда белгіленген мерзімде апелляциялық сатыға шағым жасалуы мүмкін.