НҰР-СҰЛТАН, 06 қыркүйек.Шанхай Ынтымақтастық Ұйымы (ШЫҰ), Тәуелсіз Мемлекеттер Достастығы (ТМД), Ұжымдық Қауіпсіздік Шарты ұйымы (ҰҚШҰ) елдерінің қорғаныс министрліктерінің басшылары терроризммен күресте ынтымақтастықты кеңейтуге келісті, деп мәлімдеді РФ Қорғаныс министрі Сергей Шойгу. Алғашқы бірлескен жаттығулар «Кавказ-2020″маневрлері аясында өтеді. Бұл туралы Sputnik Өзбекстан хабарлады.

 «Терроризмге қарсы бірлескен міндеттерді қыркүйектің соңында «Кавказ-2020» стратегиялық командалық-штабтық оқу-жаттығуында пысықтау ұсынылды», — деді Шойгу ШЫҰ, ТМД және ҰҚШҰ қорғаныс министрлерінің кездесуі қорытындысы бойынша.

Министрдің сөзіне қарағанда, бірлескен коммюникеде ведомство басшылары терроризм мен экстремизмге қарсы күресті өздерінің басымдығы деп атады.

Алғашқы бірлескен оқу-жаттығулар қай форматта өтетіні әзірге белгісіз.