АСТАНА, 15 қараша. Приморьедегі тергеу изоляторының қызметкерлері мекемеге арбалет пен оның оқтары арқылы есірткі, телефон және спирті бар сұйықтықтарды жеткізуге тырысқан үш адам ұстады, деп Федералдық жазаны орындау қызметінің аймақтық бөліміне сілтеме жасай отырып РИА Новости хабарлайды.

«№3 тергеу изоляторының қызметкерлері тыйым салынған заттарды режимдік аймаққа арбалет арқылы жібергісі келген үш азаматты ұстады: 16 ұялы телефон, әрқайсысы 0,5 литрден құрамында спирті бар 10 шөлмек, құрамында спирт бар сұйықтық, 3 келі ашытқы, 8 жылыту шиыршықтары, 2000 рубль және белгілі бір иісі бар қара-қоңыр түсті 6 байлама», — делінген хабарламада.

Зерттеу қорытындысы бойынша байламада жалпы салмағы 9,8 грамм каннабис майы болды.

Күдіктілерге қатысты есірткінің заңсыз айналымына қатысты қылмыстық іс қозғалды.